കമ്മ്യൂണിസം വരും വരെ ദൈവത്തിന്റെ ആലയം ശൂന്യമായിരിക്കും.........:)
മതവിശ്വാസികള്ക്ക് ഏറ്റവും പ്രയാസം സൃഷ്ടിക്കുന്ന ഒരു അവസ്ഥയാണിത് ?
അതെന്നാണു എന്ന് സഖാവ് എന്നോട് ചോദിക്കൂ...?
സഖാവേ, മതവിശ്വാസി കൃത്യമായ് മത പ്രബോധനം അനുസരിച്ച് ജീവിച്ചിട്ടും, സഖാവിനു എങ്ങനെ ധൈര്യം വന്നൂ ഈ പ്രസ്ഥവന ഇറക്കാന്.? കമ്മ്യൂണീസം വരും വരെ ആരും സ്വര്ഗ്ഗത്തില് പ്രവേശിക്കില്ലെന്നും ഇതുവരെ ജീവിച്ചു മരിച്ച ആര്ക്കും അവിടെ ഇടമില്ലെന്നും പറയാനുള്ള ഈ ധാര്ഷ്ട്യത്തെ ഞാന് ചോദ്യം ചെയ്യുന്നു...
എന്റെ പ്രിയപ്പെട്ട സഖാവേ, താങ്കള് ഒരു പുഞ്ചിരിപോലുമില്ലാതെ എന്നെ നോക്കി ചോദിച്ച ഈ ചോദ്യത്തിനു ഞാന് ഒന്നു പുഞ്ചിരിച്ചോട്ടെ... അതിന്റെ അലകള് അടങ്ങിയതിനു ശേഷം നമുക്ക് പതിയെ ആരംഭിക്കാം..
മതങ്ങള് മുന്നോട്ട് വെക്കുന്ന ആശയങ്ങള് ലോക ക്ഷേമത്തിനുള്ളതു തന്നെയാണു.നമുക്ക് ബൈബിളിലെ ഉദാഹരിക്കാം.. അതും സുന്ദരമായൊരു കഥയിലൂടെ ക്കല്ലെറിഞ്ഞു കൊല്ലാന് വിധിക്കപ്പെട്ട ഒരു വേശ്യയുടെ അടുത്തേക്ക് ക്രിസ്തു ആനയിക്കപ്പെടുന്നു. അവനോട് ജനക്കൂട്ടം ചോദിക്കുന്നു... ഈ വേശ്യയെ എന്തു ചെയ്യണം. ക്രിസ്തു സുന്ദരമായ് മനസ്സില് ഒന്നു പുഞ്ചിരിച്ച് തികച്ചും പുച്ഛസ്വരത്തില് പറഞ്ഞു. നിങ്ങളില് പാപം ചെയ്യാത്തവര് കല്ലെറിയട്ടെ........ ഒരു കൈയ്യും ഉയര്ന്നില്ല. ലോക ചരിത്രത്തില് ഇത്രക്ക് സുന്ദരമായൊരു അവസ്ഥാ രൂപപ്പെട്ടു കണ്ടിട്ടില്ല. ഒരു ജനത മുഴുവന് ആക്രോശിച്ച് നില്ക്കുന്നു. ഒരുവളെ ശിക്ഷിക്കാന്. ലോകത്തിലെ ഏറ്റവും വലിയ പ്രശ്നമാണു അപക്വരായ ജനക്കൂട്ടം അവര് എവിടേക്കും തെളിക്കപ്പെട്ടേക്കാം. അവരെ ഉപയോഗപ്പെടുത്തിയാണു.. നാസിസവും ഫാസിസവും എല്ലാം വളരുന്നത്...
അങ്ങനെ നില്ക്കുന്ന ജനക്കൂട്ടത്തിലേക്ക് ഒരു ചോദ്യത്തിന്റെ അമ്പ് പായിച്ചുകൊണ്ട് അവരുടെ കൈകള് താഴ്ത്താന് അസാമാന്യമായ ചിന്താശേഷിയും ധൈര്യവും വേണം......
ക്രിസ്തു അവിടെ ചോദിച്ചത് ഒരു ദൈവീകമായ ചോദ്യമല്ല. തികച്ചും മാനവികമായ ഒരു ചോദ്യമാണു. ആ മനാവികതയെ അറിയുമ്പോഴാണു ക്രിസ്തു ദൈവമായിരുന്നില്ല എന്നു മനസ്സിലാകുന്നത്..
ഈ വേശ്യ സൃഷ്ടിക്കപ്പെട്ടത് ഒരു വ്യവസ്ഥിതിയുടെ ഭാഗമായാണു.. മുതലാളിത്ത, ഫ്യൂഡലിസ്റ്റ്, ഏകാധിപത്യ ഭരണ സംവിധാനങ്ങളില് ഇത് സംഭവിക്കും.. പട്ടിണിയും രോഗവും ദുരിതവും എല്ലാം ഈ സിസ്റ്റത്തിന്റെ ഭാഗമാണു... ആ സിസ്റ്റത്തിലെ ഓരോരുത്തരും പാപികളാണു. മറ്റുള്ളവന്റെ ആഹാരം പകര്ന്നെടുക്കുന്നവന്, തനിക്ക് ആവശ്യമുള്ളതിനെക്കാള് തന്റെ കളപ്പുരയില് സൂക്ഷിച്ചുവെക്കുന്നവന്, പാപിയാണു.. ഒരു സ്ത്രീ അവളുടെ വിശപ്പുമാറ്റാന് വ്യഭിചരിച്ചാല് അത് എങ്ങനെ പാപമാകും..? ആഹാരം അവള്ക്ക് നിഷേധിക്കുന്ന സമൂഹമല്ലേ പാപികള്....... അന്ന് അവിടെക്കൂടിയിരുന്നവര് ദൈവീകമായ് പാപത്തെക്കുറിച്ചോര്ത്താവും കൈകള് താഴ്ത്തിയത്.. കാരണം മതം അവരെ പഠിപ്പിച്ചതു തന്നെ മനുഷ്യാ നീ പാപിയാണു. പണ്ട് ഏദന് തോട്ടത്തില് നിന്നും വിലക്കപ്പെട്ട കനി തിന്നവന് അല്ലെ നീ... എന്ന രീതിയിലാണു അന്ന് ക്രിസ്തുവിനെ മനസ്സിലാക്കിയത്........
എന്നാല് ഇന്ന് മികച്ച രാഷ്ട്രീയ ബൊധത്തില് നിന്നും നമ്മള് മനസ്സിലാക്കുന്നു.. ക്രിസ്തു അവിടെ അവതരിപ്പിച്ചത് രാഷ്ട്രിയം ആയിരുന്നു..
പ്രവാചകന്മാരെല്ലാം രാഷ്ട്രീയക്കാര് ആയിരുന്നു. അവര് പറഞ്ഞത് രാഷ്ട്രീയം ആയിരുന്നു.
കമ്മ്യൂണിസം വരണ്ട ആവശ്യകതയെക്കുറിച്ചാണു അവര് പറഞ്ഞുവെച്ചത്......
കമ്മ്യൂണിസം വരുന്നതോടെയെ ഒരുവനും ദൈവത്തിലേക്കു പോലും ചെല്ലാന് സാധിക്കൂ... അല്ലാതെ എല്ലാവരും പാപികളാണു.. ഒറ്റ പാപികളെയും ആ പരിസരത്ത് അടുപ്പിക്കില്ലെന്നു പണ്ടേ, ദൈവം പ്രഖ്യാപിച്ചിട്ടും ഉണ്ട്.........
അത് ഇടയ ലേഖനം പോലെ ഒരു മുരാച്ചിത്തരമല്ല.....
ഒരു മാറ്റവും ഇല്ലാതെ നടപ്പിലാക്കപ്പെടുന്ന നിയമം ആയിരിക്കും..........
അതിനാല് മത വിശ്വാസികളേ ........ നിങ്ങള് നരക വാസത്തിനു ഒരുങ്ങിക്കൊള്ളൂ...
ഞങ്ങള് കമ്മ്യൂണിസ്റ്റുകള്ക്ക് ഒരേ ഒരു പ്രയാസമേ ഉള്ളൂ... ഞങ്ങളുടെ നരകത്തിലും നിങ്ങള് ഉണ്ടാവരുതേ എന്ന്...........:)
ആഹാ! എന്റെ മുഖത്തിനു നേര്ക്ക് വലിച്ചെറിയപ്പെട്ട ഈ ചെരിപ്പ് ഞാന് സ്വീകരിച്ചിരിക്കുന്നു......
മറ്റേ ചെരിപ്പു കൂടി എനിക്ക് എറിഞ്ഞു തരൂ സഹോദരാ.......:)
Subscribe to:
Post Comments (Atom)
[:)]
ReplyDelete