കേരളത്തില്‍ അതീവ ജാഗ്രതയുള്ളൊരു യുവജനത ഉണരണം......
പ്രായമായ നന്മ തൊട്ടുതേച്ചിട്ടില്ലാത്ത രാഷ്ട്രീയക്കാരെ തൂത്തെറിഞ്ഞ്, രാഷ്ട്രീയം ഉപജീവനമാക്കിയ പരാന്ന ഭോജികളെ ദൂരെയെറിയണം..കോണ്‍ഗ്രസ് രാഷ്ട്രീയക്കാരനും മുസ്ലിം ലീഗുകാരനും കേരളകോണ്‍ഗ്രസുകാരനും കമ്മ്യൂണിസ്റ്റു പാര്‍ട്ടിയും യുവജനങ്ങള്‍ക്കെതിരാണു...
നിങ്ങളെക്കൊണ്ട് മുദ്രാവാക്യം വിളിപ്പിക്കാനും, അവരുടെ സ്ഥാനങ്ങള്‍ ഉറപ്പിക്കാനും മാത്രമാണു യുവജനങ്ങളെ ഉപയോഗിക്കുന്നത്.. മുതിര്‍ന്ന രാഷ്ട്രീയക്കാരന്റെ മുന്നില്‍ ഓഛാനിച്ചു നില്‍ക്കുന്നവനു മാത്രം സ്ഥാനമാനങ്ങള്‍ ലഭിക്കുന്നു.
എന്തൊകൊണ്ട് എല്ലാ രാഷ്ട്രീയപ്പാര്‍ട്ടിയിലുമുള്ള യുവജനങ്ങള്‍ ശക്തിപ്രാപിക്കാന്‍ ശ്രമിക്കുന്നില്ല ?
ഇന്ന് സമ്പത്ത് മുതിര്‍ന്നവരുടെ കൈയ്യിലാണു. ഒരു ചായകുടിക്കാന്‍ പോലും കാശില്ലാതെ തെണ്ടുന്ന യുവജനതക്ക് സ്വന്തമായ് അഭിപ്രായങ്ങള്‍ സൃഷ്ടിക്കാനും ആവില്ല.
അതിശക്തമായ രാഷ്ടീയ അവബോധം കമ്മ്യൂണിസ്റ്റ് യുവജനത ഉണ്ടാക്കിയെടുക്കണം.
മുതിര്‍ന്ന നേതാക്കള്‍ക്ക് അവരുടെ മക്കള്‍, മരുമക്കള്‍, പേരക്കുട്ടികള്‍ ഇവരുടെയൊക്കെ കാര്യം നോക്കാന്‍ വേണ്ടിയാണു രാഷ്ട്രീയം.. രാഷ്ട്രീയം അവര്‍ക്ക് കുടുംബത്തിനു വേണ്ടിയാണു...
എന്നാല്‍ യുവജനത അതല്ല... അവര്‍ക്ക് പ്രശ്നാധിഷ്ഠിതമാണു രാഷ്ട്രീയം.. അവന്റെയും മറ്റുള്ളവരുടെയും നിലനില്പ്പാണു അവന്റെ രാഷ്ട്രീയം..രാഷ്ട്രീയം വ്യാപകമായ് പ്രവര്‍ത്തിക്കുക യുവജനതയിലാണു.
ഇതു തിരിച്ചറിയുന്ന മുതിര്‍ന്ന നേതാക്കള്‍, യുവജനതയെ ഷണ്ഠീകരിക്കുന്നു. സ്വന്തമായ അവരുടെ ഐഡന്റിന്റി തകര്‍ക്കുന്നു.ഇനിയും ഇതു തിരിച്ചറിയുന്നില്ലെങ്കില്‍... രാഷ്ട്രിയം കൊണ്ട് നാടിനെ കൊള്ളയടിച്ച രാഷ്ട്രീയക്കാരന്‍, യുവജനതയുടെ അവസാനത്തെ പ്രതീഷയും നശ്ശിപ്പിക്കും........
ശക്തമായ ചോദ്യങ്ങള്‍ ചോദിക്കാനും പ്രതികരിക്കാനും കഴിയുന്ന യുവജന പ്രസ്ഥനങ്ങള്‍ ഉണ്ടായാലേ നാടു നന്നാവൂ.......!
എന്താണു കമ്മ്യൂണിസ്റ്റ് മാനിഫെസ്റ്റോ എന്നു വായിച്ച് പഠിക്കണം.. എന്താണു നേതാക്കള്‍ ചെയ്യുന്നതെന്നു നോക്കി നില്‍ക്കണം.. തോന്ന്യാസം കാണിച്ചാല്‍ ഉറക്കെ ചോദിക്കാന്‍ കഴിയണം.. ഒരു ചോദ്യം ഉയര്‍ത്തപ്പെട്ടുവെന്നതിന്റെ പേരില്‍ ചിലപ്പോള്‍ പാര്‍ട്ടിയില്‍ ഒരു സ്ഥാനമാനവും ലഭിച്ചുവെന്നു വരില്ല.. പക്ഷേ ഒരു ചോദ്യം നിങ്ങള്‍ ഉയര്‍ത്തിയിരിക്കുന്നു. തൊഴിലാളിവര്‍ഗ്ഗത്തിനു വേണ്ടി ചോദ്യം ചോദിക്കുന്നതുപോലും വിപ്ലവമാണു..
കമ്മ്യൂണിസം എന്നത് ആരുടെയും തറവാട്ടു സ്വത്തുമല്ല. വേദം കേട്ടാല്‍ ശൂദ്രന്റെ ചെവിയില്‍ ഈയം ഉരുക്കിയൊഴിച്ചിരുന്ന ഭീകര ഫാസിസത്തിന്റെ കാലവുമല്ല. അതിനാല്‍ തികച്ചും ശുദ്ധമായും ശാസ്ത്രീയമായും അത് പഠിക്കുകയും.. സ്വയം തിരുത്തുകയും മറ്റുള്ളവരില്‍ തിരുത്തലിനായ് ശ്രമിക്കുകയും ചെയ്യേണ്ടത് ഓരോ കമ്മ്യൂണിസ്റ്റിന്റെയും ഉത്തരവാദിത്തമാണു.
ഇസത്തെ ചിലര്‍ക്ക് അനുഗുണമായ രീതിയില്‍ വളച്ചൊടിച്ച് പറയപ്പെടുകയും അതാണു ശരിയെന്നു മാക്കിവെല്ലിയന്‍ രീതിയില്‍ ഉറപ്പിക്കാനും ശ്രമിക്കുന്നു.
ഓരോ കമ്മ്യൂണിസ്റ്റിനും പ്രത്യയ ശാസ്തപരമായ അറിവ് അനിവാര്യമാണു.. അറിവില്ലാത്തൊരു കമ്മ്യൂണിസ്റ്റ് അപ്രസ്ക്തനാണു. കമ്മ്യൂണിസ്റ്റിന്റെ ആയുധം അറിവാണു.. അറിവ് അവര്‍ക്ക് ആനന്ദവും ആഹ്ലാദവുമാണു...
ഇനി നടക്കാന്‍ പോകുന്ന ഗറില്ല യുദ്ധങ്ങള്‍ക്ക് ആയുധം നിങ്ങളുടെ തലച്ചോറാണു...
------------------
ആയുധങ്ങള്‍ കൊണ്ട് സൃഷ്ടിക്കുന്ന വിപ്ലവത്തെക്കാള്‍ ഊര്‍ജ്ജ്വസ്വലവും കൃത്യതയും തലച്ചോറില്‍ സംഭവിക്കുന്ന വിപ്ലവത്തിനു സാധിക്കും..
വരാനിരിക്കുന്ന കാലം യുവജനതയുടെ രാഷ്ട്രീയമാണു..! അത് ചലനാത്മകവും പ്രണയാത്മകവും സൗന്ദര്യാത്മകവും ആയിരിക്കും. കാരണം ഇന്നത്തെ ഭൂരിപക്ഷം യുവജനങ്ങളും അവരുടെ ഹൃദയത്തില്‍ നിര്‍മ്മലരും... പ്രവര്‍ത്തനത്തില്‍ നീതിമാന്മാരുമാണ്.
Subscribe to:
Post Comments (Atom)
No comments:
Post a Comment