ഒരു സ്ത്രീയെ മാന്യമായ കണ്ണുകളോടെ നോക്കാന്‍ സമൂഹത്തിനു കഴിയണം.... അതിനുള്ള അവസരങ്ങള്‍ ഉണ്ടാക്കപ്പെടുന്നില്ലെങ്കില്‍ ഏതു കൂട്ടില്‍ അടച്ചുവെച്ചാലും ഒരു സ്ത്രീ പീഡിപ്പിക്കപ്പെടും.
എന്താണു നഗ്നത ഇത്രക്ക് കാമാസക്തമായി മാറിയിരിക്കുന്നത്..?
സമൂഹം ഇത്രയും നാള്‍ കാമത്തിന്റെ വഴിക്ക് സഞ്ചരിച്ചിട്ടും അതിന്റെ പരിണാമത്തിനു എന്തേ ഒരു കുറവും ഉണ്ടാവുന്നില്ല..
സെക്സ് എന്നാല്‍ തികച്ചും സ്വാഭാവികമായും ഭക്ഷണം പോലെ ഒരു ആവശ്യകതയായും മാറുന്ന കാലം ഉണ്ടാകുമോ ? വിശക്കുന്ന ഒരാള്‍ ഭക്ഷണം കഴിക്കണം. അയാളെ ഭക്ഷണത്തില്‍ നിന്നും അകറ്റിയാല്‍ അയാള്‍ ഭക്ഷണം ലഭിക്കാന്‍ എന്തും ചെയ്യും...
സമൂഹത്തില്‍ ഒരു വിഭാഗം ആള്‍ക്കാരെ ഭക്ഷണത്തില്‍ നിന്നും , അവര്‍ക്ക് അവകാശപ്പെട്ട ശാരീരികാവശ്യത്തില്‍ നിന്നും മാറ്റി നിര്‍ത്തുന്നതിനാല്‍ ആണു ലോകത്ത് വിപ്ലവം ഉണ്ടാവുന്നത്..
ഇത് ചിന്തയെ കൂച്ചുവിലങ്ങിടുമ്പോള്‍ ബൗദ്ധിക വിപ്ലവവും..
ഹൃദയത്തെ തളക്കുമ്പോള്‍ സ്നേഹവിപ്ലവവും സംഭവിക്കും...
ഇതിനര്‍ത്ഥം
നിങ്ങള്‍ സെക്സിനെ മൂടിപ്പൊതിഞ്ഞ് വെക്കുമ്പോള്‍, സെക്സ് എന്നത് പരമ പ്രധാനമായ് മാറുകയും അതിലേക്ക് ഒരു വിപ്ലവം നടക്കുകയും ചെയ്യും...
സെക്സ് എന്നത് ഒരുമിച്ച് കിടന്നുകൊണ്ടുമാത്രം ചെയ്യാവുന്ന ഒരു പ്രക്രിയ അല്ല.. ഊണിലും ഉറക്കത്തിലും മനസ്സില്‍ നടക്കുന്നൊരു സംഭവം കൂടിയായ് മാറുന്നു...
ഒന്നാലോചിച്ചാല്‍ എന്തുകൊണ്ടാണു യൂറോപ്യന്‍സ് അവരുടെ ബൗദ്ധികനിലവാരത്തില്‍ ഉയര്‍ച്ച നേടുന്നത് ?
അതിനൊരു കാരണം അവിടുത്തെ സെക്സ് സ്വാതന്ത്ര്യമാണു.. ഇഷ്ടമുള്ളവര്‍ക്ക് തമ്മില്‍ കാണുകയോ സ്നേഹിക്കുകയോ രതിയില്‍ ഏര്‍പ്പെടുകയോ ചെയ്യാം എന്ന രീതി...അതിനാല്‍ അവിടെ സെക്സ് കുറച്ചുകൂടി ആഴത്തില്‍ സംഭവിക്കുന്നു...
ഇന്ത്യപോലെയുള്ള മതാതിഷ്ടിത രാജ്യങ്ങളില്‍ സെക്സ് നിയന്ത്രിക്കപ്പെടുന്നു.. കുട്ടികള്‍ മുതല്‍ വൃദ്ധര്‍ വരെ സെക്സില്‍ തൃപ്തരാകുന്നില്ല....
ഒരു കാര്യം കൂടി നമുക്ക് പരിശോധിക്കണം..
എന്തുകൊണ്ടാണു മതങ്ങള്‍ സെക്സിനെ എതിര്‍ക്കുന്നത് ?
രതിയും മദ്യവും മതവും ഒരേ രീതിയിലാണു പ്രവര്‍ത്തിക്കുന്നത്...
എങ്ങനെ ?
രതിയുടെ അവസാനം സംഭവിക്കുന്ന രതിമൂര്‍ച്ഛയിലും പുരുഷന്റെ സ്ഖലന നിമിഷങ്ങളിലും ലോകത്തെ മറക്കുന്ന ഒരു അവസ്ഥ സംജാതമാകുന്നു...
മദ്യത്തിന്റെ ഒരു അവസ്ഥയിലും ഈ സ്വയം മറക്കല്‍ സൃഷ്ടിക്കപ്പെടുന്നു..
ഭക്തിയുടെ ആഴങ്ങളിലും ഇത് സംഭവിക്കുന്നു..
സ്വാഭാവികമായും ഇതില്‍ ഏതില്‍ കൂടെ വേണമെങ്കിലും ഒരു മനുഷ്യനു കുറച്ചു സമയത്തേക്ക് സ്വസ്ഥനാവാന്‍ കഴിയും. അതിനെ ഉപയോഗിക്കുന്ന രീതിയിലൂടെ...
മതം അതിന്റെ സാമൂഹ്യ ശക്തി ഉപയോഗിച്ച്, മദ്യത്തെയും രതിയേയും അകറ്റി നിര്‍ത്താന്‍ ശ്രമിക്കുന്നു.
ഇടയ ലേഖനം വഴി മദ്യപിക്കാന്‍ പാടില്ലെന്നു പറയുന്നവര്‍ പിന്നീട് നിങ്ങള്‍ രതിയില്‍ ഏര്‍പ്പെടാനും പാടില്ല എന്നു പറയും... ബൈബിള്‍ ശരിക്കും രതിയെ എതിര്‍ക്കുന്നുണ്ട്... ഹൈന്ദവത ബ്രഹ്മചര്യ ശ്രേഷ്ഠതയെക്കുറിച്ചും പറയുന്നു...
മതത്തില്‍ മനുഷ്യനെ മയക്കിക്കിടത്താന്‍ ഓരോ മതങ്ങളും തന്ത്രങ്ങള്‍ ആവിഷ്ക്കരിക്കുന്നു...! നിലവിലെ വ്യവസ്ഥിതിയില്‍ മതം ശക്തമായതിനാല്‍ അതിന്റെ പ്രചാരവേലകള്‍ ജനങ്ങളില്‍ ചലനം സൃഷ്ടിക്കുകയും സാമൂഹ്യ കലഹങ്ങള്‍ ശക്തമാവുകയും ചെയ്യുന്നു.
ഒരു ചെറിയ സംശയം പലപ്പോഴും തോന്നിയിട്ടുണ്ട്. അതിലൊന്ന് എന്തുകൊണ്ടാണു ഇന്ത്യപോലെയുള്ള രാജ്യങ്ങളില്‍ സ്ത്രീകള്‍ വണ്ടിയിലും വഴിയിലും ലൈംഗികമായ് ആക്രമിക്കപ്പെടുന്നത് ?
ഒരു സ്ത്രീ വഴിയിലൂടെ നടന്നുപോകുമ്പോള്‍ അവളെ നോക്കി നോക്കി ഗര്‍ഭം ധരിപ്പിക്കാന്‍ ശ്രമിക്കുന്നത്..
ലൈംഗിക സ്വാതന്ത്ര്യം നേടിയ രാജ്യങ്ങളില്‍ സ്ത്രീകള്‍ പൊതുവേ പുരുഷന്റെ ഒളിഞ്ഞു നോട്ടത്തിനോ നേര്‍ നോട്ടത്തിനോ ഇരയാവുന്നില്ല. രണ്ടുപേരുടെ ഒരേ മനസ്സു മാത്രമാണു അവിടെ രതി.. അതൊരു കീഴ്പ്പെടുത്തലോ കീഴടങ്ങലോ അല്ല.
ഇന്ന് മതാധിഷ്ഠിതമായ് രാജ്യങ്ങള്‍ സ്ത്രീകളെ രതിയുടെ പേരില്‍ പീഡിപ്പിക്കുന്നു.
ലൈംഗിക സ്വാതന്ത്ര്യം എന്ന വാക്ക് തെറ്റിദ്ധരിക്കപ്പെട്ടേക്കാം... എങ്ങനെയും അഴിഞ്ഞാടി നടക്കുന്ന രീതി എന്നല്ല അതിനര്‍ത്ഥം..
സെക്സിന്റെ പേരില്‍ ആരും പീഡിപ്പിക്കപ്പെടാന്‍ പാടില്ല.. സെക്സ് എന്നത് അതിസുന്ദരവും മനോഹരവുമായ് ഒരാള്‍ക്ക് നടക്കണമെങ്കില്‍ അത് തീവ്രപ്രണയത്താലേ ഉണ്ടാവൂ.. അത്തരം ഒരുഅവസ്ഥ സൃഷ്ടിക്കല്‍ ആവശ്യമാണു..
ഈ അവസ്ഥയില്‍ ഒരാള്‍ക്ക് പലരോട് രതി നിര്‍‌വ്വഹിക്കേണ്ട ആവശ്യം പോലും ഉണ്ടാവുന്നില്ല..
ഇതിനെ കമ്മ്യൂണിസ്റ്റുകാരുടെ രതി രീതി എന്നും പറയാം.......... മഹത്തായ പ്രണയത്താല്‍ സംഭവിക്കേണ്ട സ്വാഭാവിക പ്രക്രിയ....... രതി...
അതിനാല്‍ കമ്മ്യൂണിസ്റ്റുകാര്‍ പ്രണയത്തിനെതിരല്ല... നല്ല നല്ല പ്രണയങ്ങള്‍ ഭൂമിയെ സുന്ദരമാക്കുമെന്നും വിപ്ലവച്ചുവപ്പ് വിരിക്കുമെന്നും അവര്‍ക്ക് നിശ്ചയമുണ്ട്.
ജാതിമത വര്‍ഗ്ഗ വ്യത്യാസമില്ലാതെ സ്ത്രീപുരുഷന്മാര്‍ക്കിടയില്‍ വിശാലാര്‍ത്ഥത്തില്‍ പ്രണയം സംഭവിക്കാനുള്ള സാധ്യതകള്‍ക്കു വേണ്ടി കൂടെയാണു കമ്മ്യൂണിസ്റ്റ് പടപൊരുതുന്നത്..
അങ്ങനെ സംഭവിക്കുന്ന പ്രണയങ്ങള്‍ സ്വാഭാവികവും ആഴമുള്ള രതിയിലേക്കും നീങ്ങുമ്പോള്‍ ലോകത്ത് മഹാന്മാരായ കുട്ടികള്‍ ജനിക്കുമെന്നും അവര്‍ ഈ ലോകത്ത് വസന്തം വിരിയിക്കുമെന്നും കമ്മ്യൂണിസ്റ്റുകള്‍ വിശ്വസിക്കുന്നു...!
Subscribe to:
Post Comments (Atom)
No comments:
Post a Comment